Kawlram le Chin ramkulh Covid-19 update; zawmi 108, dam thanmi 7 le a thimi 5

0

– April 19, 2020 – Ministry of Health and Sports nih Kawlram caan in zanlei sml 8: 00 i thawng a thanhmi ah Kawlram ah Covid-19 zawtnak 108 (April 19 zanlei ah pakhat aa chap) an hmuh cang

– April 19, 2020 zinglei sml 7: 00 thawngthanhnak ah minung 9 an i chap. April 19 lawng ah mizaw thar minung 10 an hmuh chap tinak a si.

– April 19, 2020 zanlei thiamthiam ah a dam tharmi (zawtnak rungrul hmuh ti lo mi) minung pahnih an i chap. Cucaah a dam thanmi dihlak minung 7 an si cang.

– April 19, 2020 tiang ah Kawlram in Covid-19 ruang ah a thimi minung panga lawng an si.

– Kawlram cozah zungpi umnak Nay Pyi Taw cu ramchung in siseh, ramleng in siseh a tlawngmi paohpaoh ni 21 erh ding (quarantine) tuah an si lai tiah cozah nih an thanh.

– Ramkulh le ramthen 5 ah cozah nih zan chuah lo ding nawl an chuah. Ramkulh le ramthen ning in si lo in, Coronavirus a umnak peng le khua pawl ah nawl an chuah hi a si. Nawl a chuahmi ah Rangoon ramthen nih peng (myone) 44 ah zan chuah lo ding a thanh. Cun Kachin, Karen ramkulh hna le, Mandalay le Sagaing ramthen hna ah zan leng chuahnak ding nawl an chuahnak tete an um.

– Chin ramkulh ah Covid-19 in zawtnak hmuhmi minung 4 an si. Chin ramkulh cozah nih April 16 i cazin an langhter mi ah Covid-19 cu WHO in pulrai a si (March 11, 2020 ah a thanh) tiah a thanh hnu in ramdang in Chin ramkulh a lutmi minung (600) an si. April 16 tiang Chin ramkulh ah inn erhmi (home quarantine) dihlak (52), cozah tawlrelnak in siizung, biakinn, sianginn tbk ah erhmi dihlak minung (50) an si.

– Kalaymyo zong Covid-19 zawtnak minung 2 sin ah an hmuh ve cang hna. Mizaw hmuhnak sang pahnih cu aho hmanh luhchuah khawh lo ding in (lockdown) an tuah tiah kan theih.

About The Author

Na ruahning rak langhter ve.. (Leave a comment)

%d bloggers like this: