Kawlram SAC ralhrang phu pawl kong thlakmi muicawl

Kawlram ralhrang nih hramhram in uknak a lak hnu ah hrem a tongmi Kawl miphun hna kong thlakmi ‘Myanmar Diaries’ zukcawl cu Berlin International Film Festival ah Documentary award a ngah.

Mah zukcawl hi min langter duh lomi Kawlram mino (10) nih thlakmi a si i Kawlram ah hramhram uknak lak hnu in ralkap nih a chiakha tukmi a thiltuahnak kong le mipi hna nih duhlonak an langhternak pawl aa tel.

Vawlei pi thawngzamh nganmi pawl sin in a tlau deng cang mi Kawram kong caah a biapi tukmi zukcawl a si tiah tlang an tar.

Berlin International Film Festival hi a voi (72) nak tuah a si i February 16 ah laksawng peknak an tuah.

Myanmar Diaries zukcawl nih a ngahmi laksawng cu Czech ram miphun a simi Director Petr Lom le Dutch ram in a chuahtu Corinne van Egeraat nih an cohlan i laksawng ah Euro 40,000 a si tiah theih a si.

 

Na ruahning rak langhter ve.. (Leave a comment)

%d bloggers like this: