Kawlram Tilianh Ruangah Mi 8000 Harnak An Tong I Minung 3 An Thi
TCP-Thantlang| 2018 June 13| Tilianh ruangah Kawlram chung huap in minung 8000 harnak an tong i Magwe ramthen chungah minung 3 an thi tiah pawngkam harnak bawmchantu zung Director Daw Pyo Lay Lay Tun nih a chim.
Magwe ramthen chung ah a thimi pathum cu, inn a cimhnak in ngakchia te ti lak a tla, tiva nih minung pakhat a laak, cun a dang pakhat cu tiva a tan lio ah a laak than” tiah Phyo Laylay Tun nih cun a chim.
June 11-12 chung ah Magwa ramthen, Pago, Irrawaddy ramthen le Kayin ram chungah fakngai in ruah a sur caah lam, hlei rawk, inn le ti lianhnak a chuak i minung tiang a nunnak a liam.
Magwe ramthen chungah a fahbiknak khuate 4 ah mibawmchantu phu hna nih bawmhnak zong va pek an si tiah Phyo Laylay Tun nih a chim.
Kawlram chung ruahsur le tilianh kongah a hlankan in ruahti le khuacaan zohtu zung nih ruah a sur, ti lian a chuak lai, vawlei tiang a min kho tiah ralrin peknak zong rak tuah a si.
Ref: DVB
About The Author
