Kawthoung peng ah SAC ralkap sakhaan 1 PDF phufonh nih an kah
The Chinland Post | 2023 March 2 — Kawthoung peng, Waidin khua pawng ah SAC ralkap pawl nih hmunhma an khuarnak sakhaan pakhat cu PDF, Kawthoung pengkomh Battalion 1 le KTLA phufonh nih an kah i SAC ralkap 4 nak tlawm lo an thi tiah theih a si.
Kawthoung peng, Waidin khua pawng ah a um mi SAC ralkap sakhaan 1 Kawthoung pengkomh No. 1 Battalion in Pale Column le KTLA nih February 27 zinglei sml 11:00am hrawng ah an kah hna hi a si.
Kahdohnak hi sml 2 hrawng a rau i PDF hriamtlai 1 a paw ah kuan nih a hneuh caah aa hliam i SAC lei in 4 an thi tiah Taninthary lei kahdohnak rianngeitu nih People’s Spring ah a chim.
About The Author
