Kawthoung, Waidin khua kahdohnak ah PDF chungtel 9 an nunnak a liam
The Chinland Post | 2023 March 6 — Kawthoung pengkomh, Waidin khua ah a um mi PDF sakhaan pakhat cu SAC ralkap nih an kah hna caah PDF chungtel 9 an nunnak a liam tiah thawng theih a si.
March 4 zinglei sml 5:00am luan hrawng ah Myanmar-Thai ramri ah a um mi Waidin khua ah SAC ralkap pawl nih thazang tampi hmang in an rak luh lio ah kahdohnak a chuak tiah theih a si.
“Atu bantuk in kan hawile 9 an thihnak a ruang hi Dalan ruang ah a si” tiah Kawthoung hrambunh PDF pakhat nih Mizzima ah a chim.
Waidin khua ah February 21 thawk in PDF phu le SAC ralkap karlak ah kahdohnak a chuak i February 23 le February 27 kahdohnak ah SAC lei in 13 nak tlawm lo an thi tiah PDF Kawthoung No. 1 Battalion nih a thanh.
About The Author
