Kaya Ramkulh Cozah Aa-na Tukin Rian An Tuan Caah President Sinah Report An Timh Hna

0

TCP-Thantlang| 2018 August 15| Chief Minister U L Phaung Sho‎ nih a hruai liomi hna Kaya ramkulh cozah nih mizapi sinah hramhram (aa-na tuk) in rian an tuan caah President sinah kan report hna lai tiah Kaya National Party Chiarman nih a chim.

Kaya ramkulh cozah nih ramkhel lei ah tha a pe ngaimi mino hna, Kaya National Party lutlai hna cu phungning lo tuk in tlaih in thong an thlak mi hna kong ah an nawlngeihnak cu phung ning lo le duh paoh in an hman ruang, Karen-ni tuanbia kong a tial mi hna mino pawl cu pohmah 505 in tazacuai an sinak kong, tet-te felfai mi ngei lo in Kaya National Party lutlai taza an cuainak kong ah minung 23 cu Kaya ramkulh cozah nih phungning lo tuk in an tlaih hna nak kong le Kawlram phunghram pi an buarnak kong KNP nih duhlonak cathanh an chuah.

“Atu lio hi President zung ah i tonnak ding caan kan hal lio hna a si. Ca le a herh mi dangdang tet-te felfai tein kan khawmh suat lio zong a si. Hi chungah report awk um mi pa0h kan report hna lai. Kaya ramkulh cozah nih an nawlngeihnak duhpaoh in an hman mi kong zong kan chimrel lai” tiah KNP party Chiarman Khun Bi Toe nih a chim.

Kaya ramkulh cozah nih minung 23 an tlaih mi chung in 6 cu Luai-kaw thonginn chungah an um. Kaya ramkulh cozah nih Aung San milem chiah a timh ruangah Karen-ni mizapi nih duhlonak an langhter ruangah atubantuk in buainak a rak i thok hi a si. Cupin ah Karen-ni tuanbia tial in a phozar tu mino pawl zong rampi a chiatnak kong le dohkalhnak upadi ningin taza an cuai hna hi a si.
Ref: Khitthitnews.com

About The Author

Na ruahning rak langhter ve.. (Leave a comment)

%d bloggers like this: