Kayah ram siahngakchia 90% leng nih SAC awn mi sianginn an kai lo
The Chinland Post | 2022 July 5 – Karen ram siahngakchia 90% leng cu 2022-2023 cacawn kum caah SAC awn mi sianginn ah ap loin an um tiah Karen ram fimcawnnak zung nih July 2 ah a thanh.
Cucaah Kayah ram fimcawnnak pehzulh in a kal khawhnak caah Karen ram fimcawnnak zung le Karenni State Consultative Council (KSCC) fimcawnnak phu hna nih khanu khuapa, siangcachim telh in rianngeitu pawl he caan karlak mipi hrambunh fimcawnnak awn a si tiah a thanh.
Federal Democracy he aa tlak lomi cawnnnak pawl kha kaltak in History le Social pawl chimh chih a si lai tiah Karenni fimcawnnak zung nih a thanh.
Cun, ningkhel tein sianginn an kai ṭhan tik zongah siahngakchia hna caah a fawimi awnternak zong theihter a si te lai tiah a chim.
Caan karlak mipi hrambunh fimcawnnak caah Semester 2 aa tel lai i 2022-2023 thok in mah holh tein cawcawnnak (MBT-MLE) hman a si lai tiah a thanh.
Milu 300,000 an umnak Kayah ram ah hramhram in uknak lak a si hnu ah a chuakmi kahdohnak ruangah ralzaam dirhmun a phanmi 200,000 leng an um tiah Karen mi bawmtu phu nih an thanh.
About The Author
