Kayin Ah Ralkap Nih Ngakchia Pakhat Tel In Minung 7 An Kah Hna

0

TCP-Hakha| 2019 April 8| Kayin ramkulh Kyar-in-seik peng, Anon khua ah ralkap pahnih nih meithal in an kah hna ruang ah kum 8 ngakchia pakhat telh in minung 7 an thi tiah Kayin ramkulh palek phu lutlai pakhat nih RFA ah a chim.

April 5 zinglei suimilam 2:30 le 3:00 kar ah cycle remhnak dawr pakhat ah minung pahnih an ra i cycle an hlanh ding in an halnak hna in atu bantuk meithal kahnak a chuahnak cu a si. Cycle tawh an laak lio ah inn ah a ummi chungkhar pahnih chung in pa 4, nu 3, an zapi minung 7c u meithal kahnak in an thi.

Palek phu, ralkap le tlangcung hriamtlai phu hna i bawm in minung pakhat cu an tlaih khawh cang. Pakhat tu cu an kawl cuahmah liopi a si rih. A kaptu hna hi ralkap chung in Myint Wai le Nyen Chain an si, ralkap in khunhhal lo in a baumi an si.

Hi kong cu ramkulh cozah bu in runvennak le humhimnak minister pumpak in hmalaknak a tuah liopi a si tiah Tlangcungmi kongkau minister U Min Tin Win nih a chim.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: