KBC Pastor Rev Dr. Hkalam Samson Ralkap Nih Taza An Cuai Mi An Let Piak Than

0

TCP-Thantlang|2019 September 10| Kawlram chung um mi Khrihfa pawl hna cu Kawl ralkap hna nih namnet in an kan hrem nak kong KBC Pastor Rev Dr. Hkalam Samson nih US President Donald J. Trump sin ah a rak chim mi ruangah Kawl ralkap hna taza an cuai mi cu an let than tiah Myikyina biaceih zung nih thawngthanhnak a tuah.

KBC Pastor pa cu ralkap bawi pakhat a si mi U Tan Hteyt nih sualphawtnak upadi 200 ning in August 26 ni ah taza a rakcuai hnu September 9 a voi khatnak biaceih zung chuah lio ah a tubantuk in ralkap bawi U Tan Hteyt nih tazacuainak ca a chiah mi cu a lak than hi a si.

KBC Pastor Rev Dr. Hkalam Samson nih a luancia July thla lio ram 27 hna biaknak zalonnak le thanchonak kongkau tonpumhnak hmun ah a tubantuk President Donald a inn rangpi chungah hi kong a chim hi a si.

President Donald sin ah Secound 40 tluk lawng caan pek mi chungah KBC Pastor Rev Dr. Hkalam Samson nih “Kawlram chung Khrihfa hna cu Kawl ralkap hna nih an kan hrem, Biaknak zalonnak a um lonak kong, Kawlram chungah a bik in tlangcung mi hna nih mahte uknak le zalon nak kan hmuh khawhnak ding caah US cozah nih nan kan tawlrel pi a hau.” tiah a chim. (Ref: Myanmar Now)

 

About The Author

Na ruahning rak langhter ve.. (Leave a comment)

%d bloggers like this: