Khaikam Khua Sa Thahnak License A Caw Tu An Um Lo Caah Ramkulh Sipin Nih A Tawlrel Piak Hna Lai

TCP Thantlang|September 13| Tidim peng Khaikam khua Market sa thahnak License cu sipin nih cawkzuarnak voithum tiang an tuah nain rikhiah mi a tam caah a hlan License la thing mi hna nih an ngamh ti lo caah ramkulh cozah nih an tawlrel piak hna lai.

2018-2019 tangka kum caah vok le sa sen thahnak License cu a voi thumnak September 11 ah cawkzuarnak an tuah i sipin nih ri an khiah piak mi hna zat in an ngamh lo caah ho hmanhh nih an lak duh lo.

“Voi thum tiang sipin upadi ning in fakthanh le cawkzuarnak tuah a si nain hohmanh nih an cawk duh lo caah ramkulh cazah sin ah kan chim lai i an mah nih an kan tlangtlak ning paoh in kan tawlrel te lai” tiah Khaikam sipin lutlai Pu Zing Cung Thawng nih a chim.

Sa thahnak licence sipin nih ri a khiah ning cu sa sen sing 130, le vok thahnak License sing 110 in ri an khiah piak hna.

Ref: IPRD Khaikam

Na ruahning rak langhter ve.. (Leave a comment)

%d bloggers like this: