Khampat Peng Ah Covid-19 Pulrai Um Lio Ah Bawmhnak An Pek
Salai Bawi Lian Sang| TCP-Kalay| July 24, 2020| Sagaing ramthen Khampat peng Covid-19 pulrai lio ah nihlawh riantuanmi innchungkhar hna bawmhnak cu July 24, 2020 penguk zung ah an tuah i penguk bawi lutlai U Kyaw Sua Win nih biatawi chimnak a ngei.
Pengchung innchungkhar dihlak 7340 an um i mah chung in, innchungkhar 901 sinah chungkhar pakhat cio ah kyat 20,000 bawmhnak an tin co lai tiah thawng kan theih. Khampat khuachung ah sang(Ward) pa 5 le khuate/ohsuh (8)an um. Mah hna cu Khampat ah No.1Ward, No.2Ward, No.3 Ward, No.4Ward, No.5Ward hi an si. No.1sang ah Tedim (Zo) lei deuh inn 200 hlei, No 2, sang ah Mizo le Falam cawh in, inn 1000 hlei, No 3, sang ah Thado miphun inn 150 hlei, No 4, sang ah Hakha-Thantlang lei an si i inn 973 hrawng le Milu in 5000 hlei le Khrihfa bu (18) an um. No. 5 sang ah hin Kawlmiphun an um. Khampat khuachung ah inn 3500 hrawng le milu in 18,000 hlei an um. Khampat IPRD
About The Author
