Kherhlainak: SAC Ralhrang Hriamnam Sernak Kapahsah ‘ကပစ’ Hmun 25 Umnak

Salai Mangpau | June 5, 2023 — SAC ralhrang hriamnam sernak Kapahsah ‘ကပစ’ hi hmun 25 ah a um tiah Myanmar Now kherhlainak nih a langhter. Myanmar ram chung hmunlai le tlang phen deuh ah an um hna tiah a si.

‘Kapahsah’ nih a sermi hriamnam ah Ke ralkap hmanmi hriamhme meithal, Bomb, Kuan, in Vanral ah hmanmi hriamngan an ser. Myanmar ram chung kapahsah sehzung a dihlak fonh ah vawlei Acre 100,000 a kau lai tiah zumh a si.

Kapahsah hriamnam sernak a umnak

Myanmar ramchung ah Kapahsah sehzung 25 an um. Mah chungah Magwe ramthen ah 15, Bago ramthen 7, Naypidaw (Tatkung) ah 2 le Yangon peng (Taikkyi) ah 1 an um.

Sehzung umnak hmun hi Tlangcung hriamtlai he aa hlatnak ramchung hmunlai cem ah an um. Ralkap bawizik Than Shwe chan ah Magwe ramthen ah mipi vawlei hramhram in a lak mi vawlei hmun ah Kapahsah hriamnam sehzung a ser hna tiah theih a si. Magwe ramthen Kapahsah hriam sernak hmun tam deuh hi Ayeyawaddy tiva hnu lei ah an um. Cheukhat sehzung hi Khuachung in meng 4 in meng 30 a hlatnak tlanghram le internet/phone line pehtlainak a umlonak hmun ah an um.

Vanlawng bomb sernak hmun

Mipi ralkap thazang a thawngnak Karen, Chin, Kayah (Kareni), Sagaing, Magwe ram ah SAC nih vanlawng in a kah hlei hna. Vanral kahnak nak hmangmi bomb le methal cu Bago ram chung um Kapahsah 3 le Magwe ram um Kapahsah 21 in hriam an ser. Magwe ram Seihphu khua in meng 30 a hlatnak ah Kapahsah riantuan mi 3000 hrawng an um tiah theih a si.

MA serial meithal sernak Kapahsah 1 in 11

Myanmar ralkap (Myanmar Army) tiah min pek mi MA rifle cu serial ning tein sernak sehzung hi Naypidaw peng Tatkung Kapahsah 1 le Yangon ramthen Taikkyi khua kapahsah 11 an si. Tatkung khua in meng 10 a hlatnak Kapahsah 1 a umnak cu (20°11’21″N 96°21’15″E) ah a si. Mah sehzung in meithal kuan tampi an sernak hmun cu Kapahsah 2 Magwe ram Min Hlah peng Malun khua pawng ah a um.

Kapahsah sehzung caah a herhmi thilri a umnak

SAC ralkap a hmang mi meithal le kuan cu Kapahsah sehzung No 6 ah an ser nain a tlamtling lomi thilri le a herhbau mi cu Tuluk le Russia ram in a lut tam cem.

Kapahsah No. 6 hi Bago ram, Pyi peng tiva ral khat lei um meng 3 a hlatnak thil sehzung in an ser ton. Thil he aa pehtlai mi paoh mah No. 6 ah ser a si bik.

Kapahsah Sehzung Security

Kapahsah sehzung pakhat ah riantuan mi 400 in 4000 tiang an si. Ralkap Military Engineering (DSTA) sianginn chuak ralbawi hna uknak in riantuan a si. Mah sehzung area ah riantuan tu hna cu Telephone ken khawh a si lo. Security tha tuk in an ven.

Kapahsah 1 (ကပစ ၁)

Naypidaw Tatkung in meng 10 a hlatnak ah Kapahsah 1 sehzung cu (20°11’21″N 96°21’15″E) ah a um. Mah sehzung nih MA1 ၊ MA2 ၊ MA3 ၊ MA4 rifle meithal an ser.

Kapahsah 2 (ကပစ ၂)

Magwe ram, Minhlah (upper) peng, Malun khua hnu lei meng 1 a hlatnak ah Kapahsah 2 sehzung cu (19°55’42.9″N 95°00’31.1″E) ah a um. Mah sehzung in Moter kuan, hriamngam 5.5 le 5.56 kuan an ser.

Kapahsah 3 (ကပစ ၃)

Bago ram, Pyi peng khat lei ral Sinhte khua pawng ah Kapahsah 3 sehzung hi (18°46’37.68″N 95°11’24.44″E) ah a um. Mah sehzung in 60 MM, 81 MM, 120 MM bomb le 50KG, 100KG, 200KG, 250KG, 500KG a rit mi vanlawng bomb an ser. Sehzung riantuan mi 2000 hrawng a um. Sehzung uk ah Leut. Colonel Mg Soe a si.

Kapahsah 4 (ကပစ ၄)

Naypidaw Tatkung in nichuak tlanglei meng 12 ah Kapahsah 4 sehzung cu (20°07’38″N 96°22’10″E) ah a um. Kapahsah sehzung vialte hrampi ti awk in mah sehzung nih Kapahseh sehzung vialte a rawk tik ah a remh tu a si. Kapahsah 1 he a naih ngai.

Kapahsah 5 (ကပစ ၅)

Kapahsah 5 hi Bago ram, Uhsiah peng, Kamiane khua pawng a um. Sehzung hi (18°31’43.2″N 95°00’43.9″E) a um.

Kapahsah 6 (ကပစ ၆)

Kapahsah 5 hi Bago ram, Uhsiah peng NuangcheThawk khua pawng ah a um. Thil a hang can ternak sehzung a si. (18°42’28.0″N 94°58’51.0″E) ah a um.

Kapahsah 7 (ကပစ ၇)

Bago ram, Pyi hrambunh Kapahsah 7 cu Kyaw Sua sehzung pawng ah aum. Kut cheh mi bomb le Tiva thlak mi bomb an ser. A umnak hi (19°39’20.8″N 95°15’41.4″E) ah a um.

Kapahsah 8 (ကပစ ၈)

Magwe ram, Sinpaungwai peng hrambunh Kapahsah 8 cu (19°39’59.1″N 95°15’04.3″E) ah a um. Hriamngan( Miakpi) an ser.

Kapahsah 9 (ကပစ ၉)

Kapahsah 9 hi Bago ram Uhsaih peng, Kyaukphyu khua pawng ah a um. Mah sehzung nih point 5 kuan, 5.56 kuan le 7.62 kuan an ser. A umnak cu (18°36’48.9″N 94°59’34.1″E) ah a um.

Kapahsah 10 (ကပစ ၁၀)

Magwe ram, Minhlah (Upper) Myokyikung khua pawng ah Kapahsah 10 nih motor in 40 millimetre kahnak an ser. A umnak cu (19°47’59.2″N 95°05’22.6″E) a si.

Kapahsah 11 (ကပစ ၁၁)

Yangon ram, Taikkyi khua hrambunh kapahsah 11 cu Naypidaw tatkung kapahsah 1 bantuk in MA1 ၊ MA2 ၊ MA3 ၊ MA4 in MA serial meithal a ser. Taikkyi khua in meng 4 hlei a hlatnak ah a um. A umnak cu (17°19’20.2″N 96°01’29.3″E) a si.

Kapahsah 12 (ကပစ ၁၂)

Magwe ram, Tayet peng Tanphayakam khua pawng ah a um. Mah sehzung ah 60mm ၊ 81mm le 120mm bomb an ser. A umnak cu (19°20’08 N 95°04’40 E) a si.

Kapahsah 13 (ကပစ ၁၃)

Magwe ram, Sinpaungwai peng Letpan khua pawng ah a um. Hriamngam le Tiva thlak mi bomb hna an ser. A umnak cu (19°57’07″N 94°58’47″E) a si.

Kapahsah 14 (ကပစ ၁၄)
Magwe ram, Piontphu peng ah a um. Gas rawngnak sehzung tiah theih a si. A umnak cu (19°58’12.5″N 94°26’56.8″) a si.

Kapahsah 15 (ကပစ ၁၅)
Magwe ram Aunglan peng Ywamathung khua pawng ah a um. A sermi cu 60mm le 81 mm lamhla kah khawhnak bomb pawl an ser. A umnak cu (19°22’30″N 95°25’07″E) a si.

Kapahsah 16 (ကပစ ၁၆)
Bago ram Uhsaih peng Matune khua pawng ah a um. A umnak hi (18°32’12.1″N 94°54’45.0″E) a si.

Kapahsah 17 (ကပစ ၁၇)
Magwe ram Aunglan peng Shwepandaw khua pawng ah a um. 60 mm bomb fuse (AZDM, Fuse) an ser. Sehzung a umnak cu (19°48’21.8″N 95°44’16.9″E) a si.

Kapahsah 18 (ကပစ ၁၈ )
Magwe peng Taungdwikyi khua nichuak chaklei meng 12 a hlatnak ah a um. A umnak hmun cu
(19°53’34.6″N 95°38’32.1″E) a si. Mah sehzung nih Ralkap hmangmi Durpin caah a herhmi DIE te pawl a ser cem.

Kapahsah 19 (ကပစ ၁၉)

Bago ram, Puakkhawng peng um mi nih ralkap hmangmi Tool ၊ Drilling nih thilri checknak le Gate te pawl ah checknak seh pawl an ser. A umnak hmun cu (19°04’05.4″N 95°37’52.3″E) a si. Sehzung umnak ah Helicopter tumnak hmun zong a um chih.

Kapahsah 20 (ကပစ ၂o)

Magwe ram Setoktaya peng ah aum. Mah sehzung nih Anti-Aircraft Cannon 25/30mm miak pi a ser.
A umnak hmun cu (20°27’53″N 94°13’12″E) a si. Magwe ram, Setoktaya peng kam um No. 20 Anti-Aircraft Cannon 25/30mm hriamnam sernak a um. Vawlei acre 50000 leng a kau. Helicopter 2 tumnak a um tiah vanlei hmantlak in hmuhkhawh a si.

Kapahsah 21 (ကပစ ၂၁)

Magwe ram Seihpyu peng in meng 30 a hlatnak Paukkhone khua pawng Hngetpiakyi khua ah a um. Mah sehzung nih vanlawng bomb a bik in an ser. Sehzung lutlai ah Colonel Naing Aung a si. A umnak hmun cu (20°57’02″N 94°20’02″E) a si.

Kapahsah 22 (ကပစ ၂၂)

Magwe ram Seihphu peng Shwepuihkyu khua pawng ah a um. Mah sehzung nih Special Force Rifle meithal MARK 1 ၊ Mark 2 ၊ Mark 3 ၊ Mark 4 a ser. A umnak hmun cu (21°11’35″N 94°33’18″E) a si.

Kapahsah 23 (ကပစ ၂၃)

SAC special force hmang ding ah an sernak hmun a si. Magwe ram, Gangaw peng Kyaw khua( Chinram he a naih) ah a um. A umnak hmun cu (22°12’09″N 94°18’28″E) a si. Mah sehzung in zei hriamtlai dah an ser ti hi theih khawh a si rih lo.

Kapahsah 24 (ကပစ ၂၄)

Magwe ram Pauk peng nitlak thlanglei meng 10 a hlatnak le (21°30’01″N 94°21’50″E) ah a um. Mah sehzung nih Thil a hang can ter kho nak sehzung a si. Aluminium (Raw) a ser. Mah a sermi (Raw) pawl cu hmun dang kapahsah ah a kuat. Kapahsah 24 kong hi 2014 ah Yangon hrambunh Unity Journal ah an langhter ruangah Director telh in thawng la tu mi 4 thong thlak a ton. Mah sehzung nih Chemical hriamnam a ser kho men tiah zumh a si.

Kapahsah 25 (ကပစ ၂၅)

Magwe ram Saw peng Longse khua 0°54’36″N 94°09’17″E) Chinram he a naihnak ah a um. 2014 kum ah mah sehzung sak nak ah khua mi vawlei an chuh hna ruang ah buainak a rak um bal.

Ref: Myanmar Now