Vambai Khua Nih Meheh Zuatnak Ding Caah Sing 300 Bawmhnak An Hmuh

Salai Elvis|2019 April 23| January 20 Thantlang khua ah Aung San Suu Kyi a tlawn lio ah Meheh zuatnak ding caah hal mi cu  Vambai khua nih sing 300 bawmhnak pekmi an hmuh tiah kan theih.

Hi bawmhnak cu 2019 April 4 ni ah an mah khua mi tangka tlai Committee hna sin tangka pekchanhnak le 2019 April 6 ni ah rian peknak zong Vambai khua ah Hluttaw palai tel in tuanvo ngeitu hna nih an rak tuah.

“Mah tangka bawmhmi cu Miah-shing-young bantuk in a si. Nain khua thanchonak zung nih tawlrel mi Miah-shing-young he aa dang, Hi tangka bawmhmi cu khua mi Committee hna nih a karh zong ri an khiah lai i tangka zong an then phawt te lai. Cu a karh cu satil zuatnak caah hman than khawh lengmang a si te lai. Meheh a nu tampi an zuat khawh a si le a hnuk zong an mah khua ca lawng si lo in khuapi lei tiang zuar khawh a si lai. Meheh hi zeibantuk rawl an ei ti a um theng lo hramh kip an ei khawh dih ngawt ko” tiah Thantlang peng Saram zuatkhalhnak zung lutlai Dr. Soe Min Aung nih TCP ah a chim.

Hi tangka bawmhnak in Vambai khua Meheh a zua ding inn 73 an si i an khuami tangka kongkau tawreltu le tuanvo ngeitu hna nih a herh ningin an tawlrel lai. Meheh zuat ding zong an kawlhawl liopi a si. A tubantuk in Chinram chungah Meheh zuatnak ding caah Cozah nih bawmhnak pek mi cu Vambai khua pakhat lawng a si rih tiah kan theih.

Leave a Commnet

%d bloggers like this: