Khuabawi Nih Nan Khua Lei Company Riantuanmi Naihniam Tein Nan Zohfel Hna Awk A Si: Salai Lian Luai
TCP-Hakha| 2019 May 17| 2019 May 15 ni ah Falam peng khuate khuabawi le cazi hna cu Chief Minister Salai Lian Luai le tuanvo ngeitu hna he tonbiaruahnak ah a tubantuk in a chim hi a si.
Khuabawi le cazi hna sin ah Chif Minister Salai Lian Luai nih, “Khuabawi le cazi hna cu na khua ram thanchonak ding kongah tuanvo ngeitu nan si. Cu bantuk in nan khuaram ah nan rian zong tlamtling tein nan tuan a herh. Rian nan tuan tik zongah dawtnak lungthin he nan tuannak lai. Nan khuaram ah Company riantuantu hna le a dangdang bu an riantuanmi zong naihniam tein nan zohfel hna awk a si” tiah a chim.
Mah ni tonbiaruahnak ah a kai mi hna nih an khuaram nih an herh mi cio chimphuannak an ngeih hnu ah CM Salai Lian Luai le tuanvo ngeitu cozah zung hna nih bialehnak zong an ngei hna tiah theih a si.
Ref: iprd Falam
About The Author
