Khualhringtlang Mino Bu Nih Phungning Lo In Nga A Tlaimi Minung 6 Dan An Tat Hna

Salai Elvis| 2018 July 29| Thantlang peng Khualhringtlang Mino Bu (KMB) nih an tlangram chung um tiva hna cu humhak i kilven a si. Phungning lo in nga a tlaimi phu hnih (minung 6) cu dan an tat hna tiah kan theih.

July thla chungah phu hnih in minung 6 cu phu khat ah tangka 200,000 cio KMB mino bu nih dan an tat hna hi a si.

“KMB mino biachahnak chungah aa telmi cu Khualhring tlang tiram chungah Dynamo, Bomb, Sii, Ngafuanrut mi -ks. 200,000 in dantat ding. September thla thawk in November zarhkhatnak tiang zeibantuk thilri hmanh in nga tlaih lo ding, parathlei, Sur, Sio, Ngadawi, Lenkhang le Khiangthawng in ngatlaih kham dih a si. Hi rikhiah mi chung ah Tiva kal in nga a tlaimi paoh cu Ks 200,000 dantat an si lai. Tutan kan tlaih mi hna hi Thantlang khua um mi le kanmah tlang chung lila in tlaih i dantat mi hna an si. January thla in December thladongh tiang parathlei mi paoh cu – Ks 100,000% dantat dingin bia chahnak kan ngei fawn” tiah KMB President Van Lian Hum nih TCP ah a chim.

Mah pinah KMB nih an tlang le an tiram chungah thingkep par a la mi 100,000 in dantat le a dangdang zong an humhak hna. An humhak mi phung a buar i dantat mi a li duh lo ahcun CNA le Palek sinag report nak zong an tuah hna lai. KMB mino hna nih Lai tlang chungah min ngei pakhat Ngatainu tlang cung zongah Cherry kung le a dangdang thingkung 200 tluk an cin cang. Atu lio Khualhring tlangah khua 13 an um tiah theih a si.

Atu bantuk in KMB nih an tiram cu kumchiar te an humhak mi a si i nawl ngai lo paoh dantat an si. Thantlang peng tlangdang cio zong an tiram kongah biatak tein humhak le an kil ven cio hna tiah theih a si.

Na ruahning rak langhter ve.. (Leave a comment)

%d bloggers like this: