Khualhrintlang Mino Nih Theihternak

0

Khualhring tlang Chungah Tuah Lo Ding In Khammi Pawl Kawlram Chung um Khualhring tlang Mino dihlak i pehtlaih in Central Khualhring tlang Mino Bu, tiin min sakin riantuannak kan ngeimi tampi a um. Cu hnalak ah biapi tuk in a chiahmi cu Tlang chung thingram le tizu ngacel kilven hi a si. Kan tlang chungah tuah lo dingin khammi hna cu a tanglei bantuk in an si.:

  1. Kum chiar tein September ni 15 in Novenber ni 15 Ngafuan chung hi zeibantuk thilri hmanh in ngatlaih a ngah lo, tiva chung um a nungmi tlaih dingin tiva kal hrimhrim kan khap. Nawlngai lo mi Dan Ks.200,000/- tat hnu ah Thantlang Saakhan ah theihternak tuah ding.
  2. Kum chiar tein Parathlei, Bomb puah, Dynamo leih, Nga sii paih, Lenkhang tunh lo ding. Nawlngai lo Dan Ks.100,000/- tat ding. Cu pin ah Sakhan ah theihternak tuah ding. Theih dingmi: September 15 in Novenber 15 karlak dah ti lo cu Sur vorh le Sio le ngahring dawi cu awnh a si.
  3. Mei hol rawh lo ding. Nawlngai lo mi Dan Ks.100,000/-
  4. Tlang ramlak ah Vate lenkhang tunh lo ding. Nawlngai lo mi Dan Ks.100,000/- 5. Ramlak mei duah lo ding. Nawlngai lo Dan Ks.100,000/-
  5. Thingkep par lak lo ding. Nawlngai lo mi Dan Ks.100,000/-
  6. Uico fim in ramvaih lo ding. Nawlngai lo mi Dan Ks.100,000/- Nawlngai loin a tuahtu pohpoh dantat hna pin ah, Thantlang Sakhan ah theihternak tuah peng ding a si lai.

Mah tuah lo dingin kan khammi pawl hna hi Rampi cozah zoh a kham pin ah, Chin ram cozah zong nih a kham, cun Thantlang peng uktu bawibik sin zong nih lungtlin pi nak le a kan ngeih pin ah fek tein kan dirkamh hna i a herh ning poh in tuanvo kan lakpi hna lai tiah a kan ti. Central Khualhring tlang Mino nihhin a hlei khun in kan i tinhmi cu Tlang chung tizu ngacel kilven le thingram kilven in tlangchungah thingkung ai dawh i a par kho mi pawl hna a fa tete cin hi biatak tein tha kan chuah. 2018 le 2019 kumhnih chungah kan cin khawhmi thingkung kheo dihlak hi kung 500 hrawng a si i a tu hi a nungmi zong tamtuk an um hna. Kanmah le kan tlang cio, kan khua cio, cun kan Chin rampi chung um hna hi kan kilven cio ahcun minung kan caah thiltha tampi a kan chuahpiak lai caah biatak tein pawngkam kilvennak le ram humhimnak ah thazaang chuah cio hna u sih.

Van Lian Hum

Central KMB President  / Ph: 09456121169

 

Khualhringtlang Mino Bu Nih Phungning Lo In Nga A Tlaimi Minung 6 Dan An Tat Hna

About The Author

Na ruahning rak langhter ve.. (Leave a comment)

%d bloggers like this: