Khuangcawi Dingmi Mai Run Sung Konglam Tawi

0

City Hunter| 2018 Feb. 13| 2018 February 20, Hakha ah tuahdingmi Chin Miphun Ni ah Hakhathar in khuangcawi dingmi Mai Run Sung hi a konglam na hngal ve cang maw?

Tukum Hakha ah tuah dingmi Chin Miphun Ni ah Mai Run Sung khuangcawi a si lai. Mai Run Sung @Aa Sung hi Hakha Khuahlun a si, 2015 kum Hakha rawhralnak a chuah ruang ah atu cu Hakhathar ah an um cang. Aa Sung hi Hakhathar Pu Ni Khuai le Pi Hoi Vang i an fale pa 5 lakah fanu hniang bik a si. Kalay University, Physics major in 2014 February thla ah B.Sc degree a la. Atu hi Chin ramkulh cozah zung (General Administration Department-GAD) ah cazi (LD) rian a tuan liomi a si.

Aa Sung hi kum 25 a si, 1992 August 14 ah a chuak. Volleyball bengh le hlasak a zuam ngaimi a si. Aa Sung hi pe 5 letmah 2 a sang. Atu a riantuannak GAD lawng ah si lo in an Khrihfabu zong ah an i bochan ngaimi le mino cawlcanghnak kip ah aa teltum khomi a si.

Khuangcawi dingmi Mai Run Sung nih, “Kanmah chungkhar an kan thim tikah kan khuaruah a har, kan lau ngai. Kei hi zei lei paoh ah hawi tlukmi ka si lo. Cu bantuk ka si ko bu ah sangmi nih hnakkar tenh le dawtnak he khuangcawi ding in a kan thimmi cung ah kaa lawm tuk” tiah The Chinland Post ah a chim.

2017 kum avoi 69nak Chin Miphun Ni ah Hakha Khuathar in Mai Biak Tha Cuai khuangcawi a rak si. Khuangcawi timi hi Lai nunphung lakah sunhsak taktakmi pakhat a si. Hlan ahcun bawite a bawi khomi, cakei a fim khomi tibantuk miphun sang pawl lawng khuangcawi an rak si.

February 8 zan thawk in Hakhathar Pu Ni Khuai inn ah hla le laam cawnnak an thawk cang tiah kan theih.

Tlangval ngeih le ngeih lo kong ahcun Mai Run Sung @Aa Sung nih keimah hun ka hal cio te hna seh tiah a ti. Hika facebook ahhin pehtlaihnak tuah cio khawh a si. https://web.facebook.com/augustpar92

Aa Sung hringtu nu le pa Pu Ni Khuai le Pi Hoi Vang

About The Author

Na ruahning rak langhter ve.. (Leave a comment)

%d bloggers like this: