Khuapau Dohthlennak Ah A Telmi Mino Le CDMer Airport Ah An Tlaih Mi A Tam
The Chinland Post | 2025 March 5 — Khuapau dohtlennak a telmi ramchung mino le CDM a tuahmi cozah riantuan pawl Yangon airport ah tlaihmi, hren a tong mi a hlannak in atu lei ah an tam ngai cang tiah ramdang kal ding in aa tim i Airport ah tlaih a tong mi le naihniam sin in theih a si tiah DVB News nih March 4 a thanh.
Yangon Airport in ramdang kal aa tim mi nih “anmah sin ah record le min cazin a phan thar ning in Airport ah hngak in an tlaih tawn hna tiah airport ah riantuan tu hna sin in theih a si.
February thla, 2025 kum thawk in airport ah police tam ngai an chap chih cang hna. SAC lei nih ramdang kal ding timh tuahnaka ngei mi tangka tam deuh a pe mi cu ramdang kalnak nawl an pek hna.
Airport in chuahnak ah airport chung riantuan hna sin ah tangka sing 50 hrawng pek in an chuak ter a si.
Nihin ah SAC lei nih ramdang riantuannak passport (PJ) ai tlaihmi cu ramdang kalnak nawl tlaih in Visit Visa Passport (PV) a ngei mi mino cu tangka hal an duh zat hal an tawn.
Cun Khuapau Dohthlennak aa telmi min cazin a lak mi hi an umnak peng le ramkulh chung ah ramkhel buainak ah aa tel mi hna hi February, 2025 kum in tlaih mi an tam tiah theih a si.#
