Khuapi Chung Lam JCB Kalmi Le Motor Nganpi Lam Cung Dirmi Paoh Ks. 30000 Dantak An Si Cang Lai
Salai Cung Cung|2018 November 6| November 12, hmaizarh nikaht ni thawk in zatlang lam cung kalmi JCB paoh le Motor nganpi mah duhnak paoh ah a dirmi paoh cu tangka 30,000 in dantak an si cang lai tiah kan thieh.
“Tuzarh chung hi cawnpiaknak le thawngthanhnak kan tuah. Khuapi helnak lampi zulh in nan kal lai, khuachungah lampi nan zulh ah cun cozah Upadi ning in dantak nan si cang lai tiah thawng kan thanh hna. Aralai mi zarh nikhat ni cun Motor Upadi zulhphung buar in a ummi paoh cu ks. 30,000 dantak an si lai. Zeicadah JCB hi khuachung lam ah kan kalter duh hna lo ti ah cun nawl an ngei lo. Rian tuannak an kal le an tlun ah furcaan ah hin lam pi ah hmunthur le nawncek an tamter. Cun lam zong an filhhnawmh. Lam hi Nylon Kat-ta-ya lam a si, cun rang tuk in mawngh an hman caah cozah lei nih hi pawl hi zatlang lam kal hi rak phit u an ti caah tu bantuk in kan phih hi a si” tiah Hakha Traffic Police Bawi U Bany Phai nih The Chinland Post ah a chim.
Hi JCB dantatnak kongkau he pehtlai in zarhkhat chung thawngthanhnak le cawnpiaknak ngeih hnu ah tubantuk in cozah Upadi ning in dantatnak pek an timh hi a si tiah kan theih.
“Motor Upadi zulhphung in zaan ah lamkam motor dirmi le zatlang lam ah duh paoh in a dirter mi paoh cu ks. 30,000 dantat an si lai. Hakha hi motor le cycle a tam chin lengmang caah zatlang lam ah mah duh paoh le motor Upadi zulhphung buar in an um caah poipang tonsual le khawndennak (accident) hi a tam. Cucaah hi i khawndennak a um lo nak ding caah atu bantuk in dantatnak kan tuah hi a si tiah a chim chap.
About The Author
