KIA nih a tlaihnak chungah a ummi Mai Ja Yang Instituted of Education ah Graduation Ceremony an tuah
The Chinland Post | 2022 April 4 – Kachin Independence Army (KIA) nih a tlaihnak hmunhma ah a ummi Mai Ja Yang Instituted of Education – MIED nih 2021-2022 cacawn kum sianginn kharnak le Graduation Ceremony cu April 2 Mai Ja Yang Instituted of Education sianginn chungah an tuah tiah theih a si.
A tutan ah tuahmi Mai Ja Yang Instituted of Education sianginn kharnak hi a voi 5 nak le a voi 6 nak fonh in tuahmi a si tiah KIO Headquarter Committee in theih a si.
Mai Ja Yang Instituted in sianginn a dihmi siahngakchia hna cu 2019-2020 le 2020-2021 cacawn kum Pre-college Program, Diploma in Education (Dip. Ed) program le Diploma in Teaching Chinese Language (Dip. TCL) program in a dihmi siahngakchia 575 cu boih pek an si tiah a si.
“Dothlennak caan liopi a si caah kan si duhmi kha a biapi ah chia loin a ṭhatnak bik in rianṭuan u sih” timi phungthluk bantuk in lungrual tein thazang chuah cio hna u sih” tiah KIO Headquarter Department Deputy in charge Headmaster U Malang Brang Tawng nih biatawi chimnak ah a telh chih.
Mai Ja Yang instituted cu 1998 ah Teacher Trainning School (TTS) in 2008-2009 ah Teacher Trainning College (TTC) tiah an tharchuah. 2018-2019 thok (MIED – Instituted of Education) tiah tharchuah in cawnnak tuahmi Education College pakhat a si.
About The Author
