KNDO battalion 4 hmunhma chungah a ummi SAC sakhaan pawl hnukir ding in KNU nih a thanh

The Chinland Post | 2022 April 25 – Karen National Union (KNU) battalion 2 hmunhma Taungoo distinct chung Karen National Defense Organization (KNDO) battalion 4 chungah hmunhma a khuarmi SAC sakhaan pawl hnukir dih ding in April 25 ah KNU nih cathanh a chuah.

Cathanh a chuah hnu ni 15 chungah hnukir dih ding le hmunhma khuar rih a si ahcun a hnulei a phichuak pawl tuarinn a si lai tiah a thanh.

KNU hmunhma chung SAC ralkap sakhaan chungah Kyichaung in meng 48 aa hlatnak Koday sakhaan pawl cu mipi nih an ṭih, bom an hmanh ruangah rianṭuannak a donh hna, hmuitinh ngei tak loin kah thlorh a kah caah khuami harnak tampi an tong tiah a telh chih.

SAC ralkap pawl nih hmunhma an khuar ruangah Taungoo distinct chung khuami dum rianṭuannak, thil phorhnak pawl caah harnak a um tiah a chim.

Hramhram in uknak lak a si hnu in SAC nih Laykaykaw, Papun, Bilin, Thaton, Taungoo telh in KNU hmunhma tampi cu kahdohnak a tuah rih caah KNU nih an kham ve hna hnu ah a tu bantuk in sakhaan pawl hnukir ding a thanh hnu zongah kahdohnak a chuak ṭhanmi zong a um.

Na ruahning rak langhter ve.. (Leave a comment)

%d bloggers like this: