KNLA Phufonh Nih Hmunhma Zohfelnak An Tuah Lio Ah Hriam Cheukhat An Lak Khawh

0

The Chinland Post | 2023 April 21 — KNU hruaimi mipi hriamtlai phufonh nih hmunhma zohfelnak an tuah lio ah SAC ralkap meithal zuun 2 le kuan pawl an lak khawh tiah Cobra Column nih a thanh.

KNU Brigade 6, Cobra Column, Kyathitnet, Federal Wings, Golden Eagle, Yaungni phufonh hna nih hmunhma zohfelnak an tuah i MA-1 zuun 1, MA-2 zuun 1, MA kuanbawm 3, MA-2 kuanbawm 1, 40MM bom lung 6, 60MM bom lung 6, RPG 1, Bomrap 4 hna an lak khawh tiah theih a si.

April 20 ah mipi hriamtlai phufonh nih an tlaihnak hmunhma pawl ah SAC nih hriamngan pehzulh in a kah i vanlei kahdohnak voi 3 bawm in nam an timh hna nain mipi hriamtlai lei an him tiah an thanh.

Cobra Column aa telnak Mekanel kahdohnak zong ah SAC ralkap a thi mi an tam i mipi hriamtlai cheukhat zong an nunnak a liam ve tiah theih a si.

April 18 i Mekanel khua kahdohnak ah SAC ralkap 4 an thi, 5 an i hliam, April 19 kahdohnak zong ah SAC lei 30 an thi i 18 an i hliam tiah Cobra Column nih a thanh.

About The Author

Na ruahning rak langhter ve.. (Leave a comment)

%d bloggers like this: