KNU Hmunhma June Thla Chung Kahdohnak Ah SAC Chungtel 400 Leng An Thi
The Chinland Post | 2023 July 17 — KNU kuttang, KNLA, KNDO le SAC ralkap hna karlak June thlachung ah kahdohnak voi 344 a chuak tiah KNLA Headquarters nih July 15 ah cathanh a chuah.
2023 June thlakhat chung kahdohnak he pehtlai in SAC ralkap a thi mi le KNLA chungtel a thi mi dirhmun he pehtlai in atu bantuk in thawng an thanh hi a si.
June thlachung kahdohnak ah SAC chungtel 443 an thi i 237 an i hliam tiah KNLA nih a thanh.
KNLA, KNDO chungtel 7 an nunnak a liam ve i 19 an i hliam. A nunnak a liam mi chung ah PDF pawl zong an i tel ve tiah an langhter.
KNLA nih a thanh ning ah, 2023 kumcheu chung ah kahdohnak a thong leng in a chuak i SAC ralkap 2,300 leng an thi tiah an thanh.
KNU Headquarters nih a thanh ning ah, 2023 kumcheu chung ah kahdohnak voi 2,500 deng a chuak i SAC Battalion Commander 5 le ralbawi telh in SAC ralkap 2,600 leng an thi tiah a rak langhter ve.
About The Author
