July 24, 2024

KNU Nih SAC Ralkap Sukali Sakhaan An Lak

0

The Chinland Post | 2024 June 24 — Karen ram, Kawkareik peng ni chuahlei ah a um mi SAC ralkap Sukali sakhaan cu June 21 ah tlamtling tein an lak khawh i SAC lei 20 leng, hriam le kuanzen tampi an lak khawh tiah KNU nih June 23 ah thawng an thanh.

Cu SAC ralkap sakhaan hi MOC 13 kuttang IB 560 in Colonel Wanna Toe le Lt. Colonel Thu Rain hna hruainak tang ah a um mi sakhaan pakhat a si.

Cun hriam chiah ding in KNLA lei nih March 25 in March 30 tiang ni 5 chung ca in theihternak an tuah ko hna nain an zulh duh lo caah an va kah hna i sakhaan an lak beh hi a si tiah theih a si.

Sakhaan cu June 17 zinglei in kah hram an thawk i ni 5 a rauh hnu June 21 ah sakhaan a ning in an lak khawh hi a si.

Sakhaan chung in an lak khawh mi hriam pawl cu MA Series Rifle, Machine Gun, Kuan le adang dang hriam tampi an lak khawh tiah KNU nih hmanthlak langhter chih in thawng an thanh.

Kahdohnak chung ah SAC chungtel 6 an thi, tampi hliam an tuar, SAC lei minung 14 an zaam kho i 21 a nung in an tlaih hna tiah theih a si.

About The Author

Na ruahning rak langhter ve.. (Leave a comment)