Ko Jimmy, Ko Phyo Zeya Thaw, Ko Aung Thura Zaw le Ko Hla Myo Aung” caah tlukruannak ngah ding in CDF-Kanpetlet nih kahdohnak an tuah, SAC ralkap 4 an thi
The Chinland Post | 2022 July 27 – SAC nih an thahmi “Ko Jimmy, Ko Phyo Zeya Thaw, Ko Aung Thura Zaw le Ko Hla Myo Aung” hna caan tlukruannak ngah ding in CDF-Kanpetlet nih Kanpetlet khua ah kahdohnak an tuah i SAC ralkap 4 an thi tiah theih a si.
CDF-Kanpetlet cu phu 3 ah i ṭhen in Kanpetlet khua, GAD zung, peng fimcawnnak zung le B.E.H.S hmun 3 ah hmunhma a khuarmi SAC ralkap pawl cu an kah hna i palik 2, ralkap 2 tiah 4 an thi i ralkap 1 hliamhma a pu tiah CDF-Kanpetlet nih July 26 ah an thanh.
SAC nih phungning loin hriawh in mithahnak telh in raltuknak lei sualnak an tuah rih a si ahcun CDF-Kanpetlet nih NUG Ministry of Defense (MOD) le Chinland Joint Defense Committee (CJDC) timhtuahnak zul in khuachung kahdohnak tuah chin a si lai tiah a thanh.
July 27 kahdohnak hi chun sml 12:25pm-1:20pm tiang a rau i CDF-Kanpetlet hriamtlai lei him tein an kir kho tiah theih a si.
About The Author
