Kum 1 chungah SAC ralkap 14,890 an thi tiah NUG nih a thanh
The Chinland Post | 2022 May 24 – SAC ralkap pawl hriamtlaih in doh a si hnu caan chung vialte ah SAC ralkap 14,890 an thi i hliamhma a pumi 4,814 an si tiah National Unity Government (NUG) nih May 23 ah a thanh.
A luancia 2021 June 1 in 2022 May 17 tiang hriamtlaih in dohthlennak caan chung vialte ah khawmhsuatmi a si tiah a thanh.
Atu langhtermi cazin hi mipi dothlennak i kahdohnak vialte ah a thimi ralkap cazin an si i a taktak ah an tam deuh kho men tiah NUG Ministry of Defense nih a chim.
Ram pumpi in People Defense Force phu 257 ser a si i mipi uknak cu peng 250 ah dirh khawh a si tiah NUG Ministry of Defense nih a chim.
A tulio hi Sagaing, Magway, Chin, Kayah le Karen ah SAC ralkap le mipi hriamtlai phu karlak kahdoh a fahnak hmunhma pawl a si.
About The Author
