Kum 12 Tang Nu Ngakchia A Tlaihhremtu Hna Thih Hlanlo Thongthlak Ding In An Fehter

TCP-Kalay| 2018 December 2| Nu ngakchia kum 12 ri in a tanglei a tlaihhremtu hna cu thong kum 20 in thih hlan lo tiang thongthlak ding timi upadi, November 30 Amyotha Hluttaw upadi ahran suai mi chungah an fehter cang tiah kan theih.

Bago Hluttaw palai a si mi U Aung Thein nih biasu a chuahpi mi cu a tubantuk in Amyotha Hluttaw nih a fehter hi a si i hi dantatnak a ing mi hna cu rampi nih nawlngeihnak a ngeih mi chungah dawtnak le zaangfahnak he thonginn chuah le zeibantuk hmanh in luatnak pek lo ding zong U Aung Thein nih a chim.

Hi biatung chuahpi mi cu Amyotha Hluttaw chungah vote an lak ta hma sa i a lungtling mi (105) a duh lo tu (64) le Cia-ne mee (5) an si caah upadi ahran a suai tu hna nih hna tlaknak an ngeih hi a si.

Kum 12 si lo in kum 16 riin rak kan tah piak u tiah Yangon ramthen palai Naw Hla Hla Soe nih a chim nain kum 16 ri in aa tlak lo nak kong le kum 12 tang lawng aa tlaknak kong le a duh le duh lo tiin vote an thlak mi chung i a tei ning tein biachahnak an tuah nak kong ca thanh an chuah mi chungah aa tel.

Ref: Mizzima

Na ruahning rak langhter ve.. (Leave a comment)

%d bloggers like this: