Kum 19 Tang Nichuah ASEAN Pumpululh Chuih Ah Myanmar Le Malaysia Final An Kai Lai

Salai Aung Aung| 2018 July 13| Indonesia ram ah tuah cuahmah mi 2018 ASEAN kum 19 tang pumpululh chuih zuamnak ah Myanmar nih Thailand cu Semi Final 1-0 in an tei hna final kai ding an si cang.

ASEAN kum 19 tang pumpululh chuih zuamnak hi a hlan ahcun kum 18 tang a silole kum 20 tang tiin rak tuah tawn mi a si i hlan lio ah cun Myanmar zong teinak an rak hmu ngai. Asinain kum 13 chung final an kai ti lo hnu ah tu bantuk in champion a si liomi Thailand tei in final an kai hi a si.

Dinh caan hlan tiang cu Myanmar nih an deet ngai hna nain kawl luh ter kho loin dinh caan tiang ah an i tluk. Dinhcaan hnu in Thailand nih an chuih ding an thlen caah an deet ngai ve hna nain kawl ngai ngai an luh ter kho ve lo. Minit 87 ah Myanmar hmaikal Win Naing Htun nih kawl khat a luhter i cuti cun Myanmar cu teinak an hmu i final an phan.

Semi-Final ah Malaysia, Indonesia, Thailand le Myanmar tiin an si i Malaysia le inntek Indonesia cu caan tling an chuih hnu ah penalty an chuih ter hna i Malaysia nih 4-3 in an tei hna. Cucaah July 14 ah Malaysia le Myanmar cu final an kai lai.

Ref: Myanmar Digital News

Na ruahning rak langhter ve.. (Leave a comment)

%d bloggers like this: