Kum 2 chung ah SAC phu nih mipi 2,894 a thah hna, ralzaam sing 1 le cheu leng ah phan tiah NUG nih a thanh
The Chinland Post | 2023 February 1 — Hramhram in uknak lak a si hnu kum 2 caan chung ah SAC phu nih a lam tampi hrem le thah ruang ah a nunnak a liam mi mipi 2,894 an um cang i mipi umnak hmun tinh in kahdohnak a tuah ruang ah innlo a zaamtak mi sing 1 le cheu leng an phan cang tiah NUG nih a thanh.
February 1 ah a thanh mi “Pau dothlennak kum 2 tlin cathanh” chung ah atu bantuk in a langhter mi hi a si i a nunak a liam mi chung ah kum 18 tang hngakchia 279, nu 447 le ngandamnak lei rianṭuantu 70 an i tel tiah a thanh.
Cun hi kum 2 caan chung ah SAC nih vanlei kahdohnak voi 654 a tuah i cu vanlei kahdohnak chung ah mipi 288 an nunnak a liam i 377 an i hliam tiah a langhter.
Cun, mipi pawl an lung ṭhawn ruang, an ngamh ruang, an ralṭhat ruang le fek tein thazang an chuah ruang ah dothlennak a hram a fek i zeihmanh nih hrawh khawh ti lo mi thazang nganpi he kan kal cuahmah tiah a langhter fawn.
Hmanthlak – 2021 December 7 ah SAC ralkap nih a khang mi Salingyi peng, Dondaw khuami ruak
About The Author
