Kum 2 chung ah Thlanglei Shan le Kayah mipi 430 an thi, kahdohnak voi 562 a chuak i mipi hriamtlai 219 an nunnak a liam, SAC ralkap 1,581 an thi ve
The Chinland Post | 2023 February 1 — Thlanglei Shan ram, Moebye, Pekon le Kayah ram hna ah SAC nih hramhram in uknak a lak hnu kum 2 caan chung ah mipi 430 an thi tiah Progressive Karenni People Force – PKPF nih February 1 ah a thanh.
Hramhram in uknak an lak caan chung ah SAC ralkap nih an thah mi mipi 302 an um i ralzaam dirhmun chung ah a thi mi 128 an si tiah theih a si.
2021 chung hriamngan ruang ah a thi mi 23 an um i 2022 in 2023 January thla tiang ah mipi 46 an thi tiah a thanh
Kum 2 chung ah kahdohnak voi 562 a chuak i mipi hriamtlai 219 nih an nunnak an pek, SAC lei 1,581 an thi tiah PKPF cathanh chung ah an langhter.
SAC nih vanlei kahdohnak voi 190 a tuah i hriamngan le vanlei kahdohnak ruang ah biaknak lei inn 28 a rawh leng ah mipi inn 1,317 a rawk tiah an thanh.
Atutiang tlaih/hren a si rih mi 279 an um i cu chung ah thih ding in biakhiah mi 4 an i tel tiah PKPF nih a chim.
Hramhram in uknak lak caan kum 2 chung ah mah umnak hmun a kir kho rih lo mi ralzaam sing 2 hrawng an um tiah Karenni nihrin covo phu nih an chim.
About The Author
