Kum 21 Tang Chief Minister Cup Ah Hakha Pengkomh (B) Nih Pakhatnak An co

Salai Cung Cung |2018 November 28|ย Hakha ah kum 21 tang pa pumpululh chuih zuamnak Chief minister cup cu Hakha pengkomh (B) le Mindat pengkomh (B) final an kai i Hakha pengkomh (B) nih 2-0 in an tei hna caah pakhatnak lawksawng Sing 5 an co tiah kan theih.

Hi pumpululh chuih zuamnak ah hin thiamhlei laksawng peknak zong an tuah. Thiamhlei laksawng hna cu; hmaikal a thiambik ah Mindat pengkomh (A) in keng number 16, alai kal thiam bik ah Mindat pengkomh (B) in keng number 17, hnukham a thiam bik ah Falam pengkomh (A) in keng number 3, goalbawh thiam bik ah Hakha pengkomh (B) in keng number 1 an si tiah kan theih.

Hakha pengkomh

Hi pumpululh chuih zuamnak cu 2018 November 20 in 27 tiang an tuah i pakhatnak laksawng cu Hakha pengkomh (B) nih Sing 5 le Cup an co. Hi pumpululh chuih zuamnak cu Chin ramkulh chief minister cup a si i tu hi pengkomh fonh in avoi khatnak bik an tuah asi.

Tutan Chin ramkulh chief minister cup ah hin teams 6 in an then hna. Group (a) ah Falam pengkomh (b), Hakha pengkomh (a), Mindat pengkomh (a) an si. Group (B) ah Falam pengkomh (b), Hakha pengkomh (b) le Mindat pengkomh (b) an si .

โ€œHi pumpululh chuih zuamnak kan tuah hnawhchan cu ramthen le ramkulh pupululh zuamnak January thla tuah dingmi caah Chin ramkulh chung in an i zuamkhawh ve nakhnga le teinak an hmuh khawh nakhnga caah a si. Chin ramkulkh team hi a dang ramthen le ramkulh he an i zuam tikah an thiamnak an i tluk khawh nakhnga le zaanglekcelhnak hi a thancho chin lengmang nakhnga kan tuah mi a siโ€ tiah ramkulh zaangleknak zung in Director Saw Nay Min Tun nih a chim.

Na ruahning rak langhter ve.. (Leave a comment)

%d bloggers like this: