Kum 72nk Hakha Chin Miphun Ni Ah Caan Hmannak Phunthum In An Tuah Lai

0

Salai CungCung|2020 February 16| Kum 72nak Chin Miphun Ni Hakha ah pakhatnak Rang cit zuamnak, pahnihnak Paih zuamnak le pathumnak hlasaknak tiin can hmannak phun thum cu February 16 ah tuah mi Chin ramkulh pengkomh meeting lio ah ceihkhannak an ngei kan theih.

Chin Miphun Ni Ran cit zuamnak cu February 19 zing suimilam 10 am Vuantumuang certual an tuah lai.

“ Hi Rang cit zuamnak cu phunthum in kan then. Pakhatnak ah a rangbik in tlik ter, pahnihnak ah kawlkal (dawh tein tlikter), pathumnak ah Rang dawhbik zuamnak tiin kan tuah lai. Rang cit zuamnak ah a tel mi paoh minung pakhat ah 30000 kan pek hna lai. A ruang cu minung tampi i zuam hna seh ti kan duh caah a si” tiah The Hakha Post in tuanvo ngeitu Salai Za Biak Thawng nih tonpumhnak ah a chim.

Hi Rang cit zuamnak ah laksawng pawl cu, a rangbik tlikter ah pakhatnak sing 3, pahnihnak Sing 2, pathumnak Sing1, Kawlkal (dawh tein tlikter zuamnak) pakhatnak Sing 3, pahnihnak Sinjg2, pathumnak Sing 1, Rang dawhbik laksawng ah Sing 1 a si. Hi rang cit zuamnak ah a zapi dih ding budgets cu Sing 25 a si tiah kan theih.

Hakha Chin Miphun Ni Paih cu February 19 in 20 tiang an tuah lai . Hi Paih caah laksawng pawl cu phunli in an then tiah kan theih.

“Tukum Chin Miphun Ni Paih caah laksawng cu phunli in kan then hna . Zuamcawh pakhatnak ah Tangka Sing 10, pahnihnak ah Sing 5. Bualco laksawng caah Sing 5, thiamhlei laksawng ah Sing 3, cun minung pakhat tei ah tangka 2000 pek an si lai. Paih caah zapi hi a tlawmbik Sing 30 dih ding in timh tuahnak kan ngei” Pu Chum Ling nih tonpumhnak ah a chim.

Hi Chin Minphun Ni ah tuah mi ding mi Ran cit zuamnak le Paih zuamnak laksawng pawl cu February 20 ah pek an si tiah kan theih.

Tukum 72nak Chin Miphun Ni certual chung ah Zu zuar an phih, a zuartu theih ah cun tlaih a si lai. Cun Certual pawngkam hrawng Zu dawr pawl cu an khar dih lai tiah kan theih.

About The Author

Na ruahning rak langhter ve.. (Leave a comment)

%d bloggers like this: