Kum 73 Tarpa Avoi 4nak Tanghra Camipuai A Phi Lai

TCP-Thantlang| 2019 February 22| Mandalay khua ah kum 73 a si cang mi tarpa U Sai Aung Nyunt cu tukum in avoi 4nak tanghra camipuai phi dingin Card a lak cang tiah kan theih.

“Ka fapa hi Australia ram ah MBA Degree a lak lio ah kei mah hee aa rual mi pawl zong ka hmuh hna tikah tanghra camipuai phit than hi ka lungah a chuak than. Asinain, hlan lio tanghra ca he aa lawh ti lo caah tu lio tanghra ca cu biatak tein ka zoh ve. Awn ding hrim in ka phi lai i ka awn ah cun ramdang ah University kai ka duh, kai khawhnak ding zong in kaa zuam lai” tiah kum 73 tarpa U Sai Aung Nyunt nih a chim.

1946 kum ah a chuak mi U Sai Aung Nyunt cu kum 18 a rak si lio ah tanghra camipuai a rak phi ko nain a rak awng khawh lo caah caan karlak ah voi hnih tiang a rak phi bal cang mi zong a si. Innchungkhar pawcawmnak lei zongah an tlamtling i a thih hlan ah aa tinh mi rian pakhat zong a si bantuk in a voi li nak tiang lungdong lo in tanghra phi aa timh than hi a si.

U Sai Aung Nyunt cu tukum tanghra camipuai phit aa timhnak kong Online chung zong ah a hunglar ngaimi a si caah mizapi lei zongnih an lawmh pi cio mi pa zong a si.

Tukum tanghra camipuai cu March 6 in 15 tiang tuah a si lai i zinglei suimilam 9:00 in 12:00 tiang an phi lai. U Sai Aung Ngunt cu Biology subject in Rool no: (khung-number) Ma-na-tah (534) a si i Chian-aye khua No.(5) tanghra sianginn ah a phi lai tiah kan theih.

Na ruahning rak langhter ve.. (Leave a comment)

%d bloggers like this: