Kum Hnih Chung Rih Tidil Ah Ngaci 150,000 An Thlah Cang
Salai Elvis| 2018 July 9| Chinram chungah min ngei pakhat a simi Falam peng Rih tidil chungah Chin ramkulh cozah le tuanvo ngeitu hna nih 2017 in 2018 kum chungah ngaci phun 5 in 150,000 an thlah cang tiah theih a si.
2017 kum lio ah Falam pengkomh zung hruainak in May 24 le July 4 ah ngaci phun 4, Swe-wa nga 50000, Nga-khungmah 30000, Myat-sa nga 10000 le Sala-phia ngaphun 10000 a zapi 100,000 an rak thlah bal cang.
Cu bantuk in 2018 July 9 ni zongah Chin ramkulh cozah lutlai cheukhat hna le tuanvo ngeitu hna tel in ngaci phun 4, Swe-wa nga 20000, Nga-khungmah 10000, Myat-sa nga 10000 le Nga-myatcin 10000 a zapi 50000 an thlah chap.
Kumhnih chungah Chin ramkulh cozah hruaitu cheukhat nih Rih tidil chungah ngaci 150,000 an thlah cang hna tiah theih a si.
Tutan ngaci an thlah pah in Rih tidil pawngkam ah thingkung le pangpar kung 300 zong an cin chih tiah theih a si.
Ref: IPRD Rihkhawdar
