July 25, 2024

Kum Hnih Chungah Chin Ramkulh In Kokek Ral Voi 128 A Cang

0

Salai Elvis| 2018 July 21| 2016-2017 kum le 2017-2018 hi kum hnih chungah Chin ramkulh chungin pawngkam harnak le kokek ral voi 128 a cang i a tangka in sing 160 leng bawmhnak kan pek cang hna tiah ramkulh pian-cia-zi Director changtu U Kham Lian Suan nih Thantlang Public Talk an tuah lio ah a chim.

Chin ramkulh kum hnih chungah mei ral voi (15), ti ral voi (6), min cimhnak voi (37), thli ral voi (64), ti kham a cim mi voi (3), ralzam voi (2) le Zu ral voi (1) a zapi voi 128 a cang cang tiah a chim. Mah kum hnih chungah pawngkam kokek ral a voi tambik mi cu mincimh le thli nih a hrawh mi hna an si i minung tampi harnak a pek hna pinah an thilri tampi zong sungh zatlaknak an tong.

“Pawngkam kokek harnak hna cu kham khawh mi thil an si lo caah zeitindah a hlankan in kan i runven lai, harnak kan vun ton tikah Emergency thilri le rian in zeitindah kan i khamh i kan i thlop lai timi le rawhralnak kan ton dih tikah zeitindah kan i tunmer khawh than nakding lam hna a hlankan in timh cia dih hnu lawngah rin hma a kal kho lai” tiah Director changtu U Kham Lian Suan nih a chim.+++

About The Author

Na ruahning rak langhter ve.. (Leave a comment)