Kum Khat Chung Thantlang Peng Palek Sinah Sualnak Hmuh(Case) 304 A Phan

Salai Elvis|2020 Febuary 3| 2019 kum khat chung ah Thantlang peng chungin Palek sin ah a hmuh (case) 304 a phan i an sualman cio in dandatnak pek an si hna tiah kan theih.

Thantlang peng chungin 2019 kum khat chung ah inn meikanghnak voi 2, motor/cycle khawndennak in a thimi 2, hliamhma pu 4, tleihhremnak voi 1, nu le va karlak ah buaibainak voi 2, phungning lo Caw zuar, khua khat le khua khat karlak ah buaibai nak pin ah phunning lo Zuu zuar (hmuh 5 hna cu Chin Act upadi in dantat an si nak), khuachung Zuu ri buaibai ruangah tlaih mi 5 le phunbuar in motor cycle ruangah tlaih mi 281 a zapi  a hmuh (case) 304 cu Thantlang peng palek zung cazin ningin theih a si.

Sualnak dantatmi chungah phungning lo motor Cycle aa citmi hmuh (case) a tambik a si i cu chungah Luchih chinh lo ruangah tlaih mi deuh an si hna. Luchin chinh lo ruangah tlaih mi cu Ks. 30000 liam ding tiah 2015 motor/cycle upadi ah aa tial.

Cu bantuk in 2020 kum thar January thla chungah Thantlang peng chungin, mei kanghna voi 2, mi thahnak lai nawnnak voi 1, vawlei hmun kongkau buainak voi 1, Zuu ri buai tlaih mi 2 hna le motor cycle phungning lo aa cit mi le tlaih mi 34 an si i a zapi a hmuh (case) 40 a phan. Cun  Febuary 2 tiang cazin ning ah motor/cycle khawndennak in minung 1 a thi tiah theih a si. 2018 kum nak in 2019 kum ah sualnak hmuh (case) a tam deuh. +++

Na ruahning rak langhter ve.. (Leave a comment)

%d bloggers like this: