Kumkhat le Cheu Tluk Phihkhar Piak A Si Mi Paletwa le Rakhine Ah 4G Internet Ngah Than Cang

Paletwa, Chin State

Salai David Van| TCP-Hakha| 2021 Febuary 3 | Rakhine Ramkulh le chinram kulh Paletwa ah kumkhat le cheu tluk phihkhar piak a si mi 4G internet line cu febuary2 zaantim hrawng in hman khawh a si cang tiah khua mi sin in theih a si.

Chinram kulh Paletwa khuasa minung pakhat nih tuzing zingkhuan tein internet line hman a ngah nain line kal ning a hnuar ngai tiah a chim. Rakhine ram kulh Me-Pung peng, Kanthawngci khuasa minung pakhat zong nih MPT le Mytel hna cu tuzing in a ngah cang nain Telenor hna cu a ngah rih lo tiah RFA ah a chim.

Rakhine ramkulh chungah kawl ralkap le Rakhine Ralkap(AA) i kahdohnak ruangah Buti Taung, Maung Taw, Yate Taung, Pung Na Cuun, Cohdaw, Myuat Oo, Min Pyae, Me Pung peng hna le chinram kulh Paletwa peng hna ah a luancia 2019 June 21 thok in cozah nih mobile internet line pawl phihkharpiak a rak si.

Caan zeimawzat a rauh hnu ah Maung Taw peng ah 4G intrnet line an hunpiak hna nain peng dang dang ahcun aluancia August 1 thok in 2G internet line lawng hmanter an si.

A luancia febuary1 in Ralkap nih uknak an laak in nihnih a ruah hnu ah 4G internet line pawl hman khawh ngah ding in an tuah colh hi a si. Ref: RFA Burmese

Na ruahning rak langhter ve.. (Leave a comment)

%d bloggers like this: