Kawl kumthar hnu ah kahdohnak a fak kho

The Chinland Post | 2022 April 20 – Hramhram in uknak lak a si hnu ah ram pumpi in kahdohnak a chuak ko nain SAC hruaitu General Min Aung Hlaing nih tukum cu remdaih kum tiah a auh. Remdaihnak a len khawhnak hnga a ṭhabik in kan i zuam lai tiah kawl kumthar a biachimnak ah a telh.

Ramkhel lei harnak a simi SAC a dotu vialte 2022 chungah a dihdongh tiang ka doh hna lai tiah a chim duhnak a si tiah an ruahdamh.

SAC nih aa timh ning in a raa laimi 2023 ah party tling thimnak tuah khawh ding in aa zuam cuahmah mi a si tiah an ruahdamh.

Ramkhel lei, raltuknak lei a kherhhlai tu U Than Soe Naing nih General Min Aung Hlaing nih a chimi remdaih kum si loin kahdohnak tu a fak chin ko lai tiah a ruahdamh.

Tukum kawl kumthar cu kumdang he i lo lo in Kachin, Kayah, Karen, Chin, Rakhine, Sagaing, Magway, Yangon, Bago hna ah mipi hriamtlai phu le SAC karlak kahdohnak in aa thok.

Ref: RFA

Na ruahning rak langhter ve.. (Leave a comment)

%d bloggers like this: