Kyainseikgyi peng ah a ummi SAC ralkap SDDF nih bom an thlak hnawh hna, SAC ralkap 5 an thi
The Chinland Post | 2022 October 4 – Karen ram, Kyainseikgyi peng ah SAC ralkap nih hmunhma an khuarnak sakhaan pawl cu Saw Dragon Drone Force – SDDF phu nih bom an thlak hnawh hna i SAC ralkap 5 an thi tiah Saw Dragon Drone Force – SDDF nih a thanh.
Kyainseikgyi peng, Tage khua pawng September 29 zinglei ah SAC ralkap pawl cu KNLA B17, Red Dragon PDF phu le Saw Dragon Drone Force – SDDF nih Drone in bom lung 3 an thlak hnawh hna i pahnih nih a khen hna caah SAC ralkap 3 an thi tiah theih a si.
Cun October 2 zaanlei sml 5:00pm hrawng zong ah Kyainseikgyi peng, Chaunghnakhuah hlei ah a ummi palek sakhaan cu bom lung 2 in an doh hna i SAC chungtel 2 an thi, Corporal 1 le ralkap 2 fak ngai in an i hliam tiah theih a si.
Kahdohnak hmun 2 ah a tuahmi hriamtlai phu vialte him tein an kir ko tiah an langhter.
About The Author
