Kyaukdaw IB 374 AA Nih A Lak, Minbya Um IB 379 A Kah Cuahmah Lio
The Chinland Post | 2024 January 31 — Rakhine ram, Kyaukdaw hrambunh MOC 9 kuttang IB 374 cu January 30 ah tlamtling tein an lak khawh tiah AA nih thawng a thanh.
Ralkap lei nih vanlawng in kahdohnak fak pi in a bawmh ko hna bu ah sakhaan an lak khawh hi a si tiah an thanh.
Kyaukdaw peng ah IB 374, 375, 376, 539 tiah Battalion 4 a um mi chung ah 539 cu a luancia January 16 ah AA nih a lak cang.
Cun Minbya hrambunh IB 379 zong a kah cuahmah lio a si.
Ramree zong ah ralkap thazang 150 hrawng a chap caah January 30 in khuachung kahdohnak aa thawk tiah AA nih an thanh.
Cu khuachung kahdohnak zong a fak tuk i kaphnih lei in a thi mi an um, ralkap ruak, hriam le kahdohnak thilri pawl vanlawng in a rak thlak mi zong AA nih an lak khawh tiah an thanh.
