Lai Districts Lawngtlai Ah Valentine’s Day Concert Tangka Chuakmi In Miharsa An Bawmh Hna Lai

Salai Elvis| 2019 February 7| Aralaimi February 14, Mizoram Lai Districts in Lawngtlai khua ah Valentine’s Day Charity Concert cu sunglawi ngai in tuah an timh i hi chungah tangka a chuakmi paoh mi harsa an bawmh hna lai tiah tuanvo ngeitu sin in kan theih.

Atu bantuk in Valentine’s Day Concert i mi sifak bawmhnak cu Lawngtlai Districts chungah avoi khatnak an tuah a si lai. Hi Concert cu GILLIAN COMPUTERZ, LAWNGTLAI, BAZAR nih a tawlrel (Organize) lai i Ticket zuar um lo (Free) in zoh khawh a si lai. Siantawk tangka pek mi chung in sifak an bawmh hna lai tiah kan theih.

“Ticket a um lai lo i a hmun zong khuachung lam (street – open air) ah a si lai i Concert tuahnak chungah tlawmngai, mi khuahngal nih pek mi tete in mi sifak bawmhchanh hau mi hna cu Bawmchantu Buu (YLA) tibantuk hna nih khuachung Sang kip in an thim te hna lai. Atu hi Lai Districts ah a voikhatnak bak a si rih. Christmas caan tibantuk lawng ah an tuah tawn i Institution/store (dawr) a ngeimi hna nih an tawlrel (sponsor) tawn. Hlasak thiam/Dancer (Artists) pawl hi tangka fangkhat hmanh pek lo, a pum aa pe mi an si tawn” tiah hi kongah tuanvo ngeitu L.Z Ringlawt nih TCP ah a chim.

Tutan ah Hlasak thiam minung pali F.Zomuanpuia, Rebek Vanlalpek, F.Lalramhnaii, HT.Lalthanzami le Dance group pakhat – The Secrecy Dance Crew (Sangau) sawm an si. Hi Concert cu February 14 zanlei suimilam 4:00-5:00 hrawng ah a dih te lai tiah kan theih.

Na ruahning rak langhter ve.. (Leave a comment)

%d bloggers like this: