Lai Rapper Paling Nih Laimi ‘Ringawn’ Lei Kan Thancho Khawh Nakding A Hmuh Ning
The Chinland Post| 2018 March 6| Paling Strove (Hakha): Laimi ringawn (Music ) lei kan thancho khawh nakding ah cun ringawn (Music ) a tuahtu hi a biapi bik an si tiah ka ruah. Kan tuahmi hi lungchuak sawh men si lo in in lungchung chuak kha Bi-atak thlak in kan tuah a hau mi a si. Lar duh men ah ringawn (Music) tuah le tonghtham si lo in kan duh, huam mi cung ah biatak chuah in kan kal kha a bia pi bik a si ko.
Atulio an buai pi bik mi cu “ Pathian Hla “ le “ Love Song lole zuun hla” hi a si. “ Pathian Hla” Album a chuak mi a tam tuk ning le Quality a ngei mi a um lo tuk ning khi zapi theih a si ko. A menmen in chuah a si mi “Hla phel “ a tam tuk. Cing chilh cing chilh in kan kalnak kum caan sau ruangmang ko cang. “Love Song “a chuak mi a tlawm tuk ning a um lo tluk khi a si ve. Ringawn (Music) hi kan i fian taktak a hau. I fian ka ti tik ah Ringawn (Music) cu Ringawn (Music) in kan hmuh ding a si ko. “Pathian hla” e “Love Song” e ti kan buai chung paoh cu kan lai Ringawn (Music) a thangcho kho lai ka zum lo.
Ringawn (Music) hi rian pakhat ah an kan rua-hpiak le theihpiak a hau taktak mi a si. Mizapi hrimhrim nih thazaang pek a hau. Kan unau Mizo ram hna khi tha an pek tuk hna i an Rin-gawn (Music) cu mit hmuh bak ah an thang-cho cuahmah ko. Thazaang pek thiam kan hau.
Hlasaknak caan (puai) zong hi tam ngai tuah kho usihlaw cu zong cu thanchonak a bawmtu pakhat a si lai tiah ka ruah. Hlasaknak hmun a tlawm tuk ruang ah Lai Ringawn (Music) hi mizapi he a hlat ngaingai tiah ka ruah.
Hlasaknak caan (puai) hi tam kho deuh sehlaw kan Lai Ringawn (Music) le mipi zong hi an i naih deuh kho lai tiah ka ruah fawn.
Miphun dang hla tampi kan ngaih a hau. Hla tampi ngaih khawh ah cun a tha. Ringawn (Music) ah hin Rock, Rap, Country, Pop,…thleidan lo in a za pi te’n ngaih khawh dih ah a tha. Pumpalulh a chuih mi training tampi an tuahpiak bantuk in Hlasa le Ringawn (Music) tumtu nih hin Hla tampi ngaih ding hi kan rian a si ve.
Kan Lai Ringawn (Music) lei kan thancho khawh nakding ah cun mizapi nih kan miphun rian ah chia in thazang pek taktak a hau. Cun kan Lai Ringawn (Music) ca ah hin tangka tam pi hmang kho ve usihlaw a thangcho ko lai tiah ka ruah ko.
Edward No Ling Lian (Paling) cu Rev. Dr. Lian Do Kham le Pi Zing Doi fapa a si, 1993 December 17, Hlamphei khua ah a chuak. Chuakti unau 5 an si, Hlamphei khua ah a chuak nain an khua cu lawngtlang a si. Hakha ah kum saupi khua a sa cangmi an si. 2011 kum in Ral hla tuah hram a rak i thawk. A hawile he rap hla cu an rak tuah i “Hakha Hip Hop Association” tiah in an rak i bunh. Cu hnu ah Van Biak Thang he an pahnih in “Strove” timi min in an cawlcang than. Cu ruang ah a facebook tiang in Paling Strove tiah aa tinak hi a si.
Cherhchan: Chin Digest Vol.3, No.5| 2017 December |
Photo Credit: TCP and Paling Strove facebook
About The Author
