Lailenpi Ah Pumtlamtlinglo Le Kum (85) Cung Tar Bawmhnak An Pek Hna

Salai Bawi Lian Sang| TCP-Kalay| September 11, 2020| COVID-19 pulrai can Rampi bawmhnak program (CERP) nih pumtlamtling lo bawmhnak caah Lailenpi khuachung sang(2) ah minung(39) an um i mi pakhat ah kyat 30000 cio an pek hna I a dihlak ah Kyat 1,170,000 cu Matupi pengkulh Luhmuhwinthan zung in kuat mi cu Khuabawi pa nih September9 zing lei ah innkip te kal in a pek hna tiah thawng kan theih.

Mah dih cun Zan lei can ah Kum (85) in ciung kai tar pawl zong Luhmuhwinthaine zung lei nih thla fatin kyat(10,000) in thlathum (July, August, September) thla tiang a dihlak kyat(30,000) zong khuabawi pa nih innkip kal in a a pek hna. Lailenpi ah Kum(85) in cung tar Minung (14) an um tiah peng thawngthanhnak zung in thawng kan theih.

2017 kum March thla dih tiang Myanmar milu relnak ah Lailenpi peng khua ah milu dihlak 2446 ah Pa milu 1188 le nu milu 1258 an si. Lailenpi area ah 3127.04 square miles a kau. Lailenpi peng ah inn 346 an um. IPRD Lailenpi