Lailenpi Khuachung Ah Jet Fighter Nih Bom A Thlak, Mipi 1 A Thi
The Chinland Post | 2023 November 21 — Matupi peng, Lailenpi khuachung ah November 20 zinglei thawk in ralkap lei nih vanlawng in bom voi 3 a thlak caah khuami pakhat a thi i MEC biakinn le sizung a kaang tiah Matupi Times nih a langhter.
Lailenpi hrambunh IB 304 le CNA hruaimi CDF phufonh pawl karlak ah November 19 thawk in kahdohnak a fak tiah theih a si.
A thi mi ruak cu khuami hna nih an lak khawh tiah theih a si. Lailenpi khua pawng ah a rak zaam mi mipi cu ralkap vanlei kahdohnak ruang ah Mizoram lei ah a zaam mi zong an um tiah theih.
