Laimi Kan Si Ahcun Kan Lai Rang Ka Dawt A Hau; Sunny Thang Cung
Salai Elvis| 2019 February 19| Rang hi daw hna u si, kan lai rang hi daw tuah u si law Lai mi kan si ahcun kan Lai rang hi kan dawt a hau tiah February 19 Hakha rangcit zuamnak ni ah chin ramkulh upadi bawizik Pu Sunny Thang Cung nih a chim.
“Fing le tlangah Lai rang tete an tlonlen tikah zeitluk in dah a nuamh. Kan ngakchiat lio ah Lai rang hi kan rak uar ngai, i a tu ah Lai rang tete kan vun hmuh than tikah kaa lawm ngaingai. Lai mi kan si ahcun kan lai rang hi daw hna u sih” tiah Chin ramkulh upadi bawizik Sunny Thang Cung nih a chim.
Aluancia kum ah rangcit zuamnak a rak um ko nain pehzulh in rak tuah khawh lo nak kong le a tu lio Lai rang a hmuh ning kong zong tampi a chim chih.
“Ka hnulei kum hra hrawngah khan rangcit zuamnak ah ka rak i tel lio hna ka vun ngai ngai. A tlau cia mi thil kha a thar in kan tuah than i kaa lawm ngai. Chan aa thlen lengmang tikah khualtlawn zong ah motor le cycle in kan kal cang. Cutik ah rang hi kan lai ram ah a tlawm chin lengmang cang. Abik in Hakha rang hi an tlau i a cheu cu an thi, rang hi lai mi nih siaherhnak le hnakkar tanhnak kan rak ngeih lo tikah an tlau chin lengmang cang” tiah a chim.
Tutan The Hakha Post nih tuahmi rangcit zuamnak hmun ah Chin ramkulh Social Affair minister Pu Pau Lun Min Thang zong nih a tel pi hna i bia siaherh chimnak zong a ngei tiah kan theih.
About The Author
