Lamcung pawl ah mipi sin in tangka hal lo ding tiah CNO/CNDF nih a thanh

The Chinland Post | 2022 October 14 – Chin ramkulh, Falam peng ramri chung le zeibantuk lam cung hmanh ah mipi sin in tangka hal lo ding le laksawng cohlan bak lo ding in a ralkap pawl kha CNO/CNDF nih nawl a pek hna.

CNO/CNDF min bunh in tangka halnak pawl a um caah atu bantuk in theihternak a tuah hi a si.

Kalay-Tedim-Tio tiva hna ah CNO/CNDF nih hmunhma a laknak a um lo bantuk in mipi sin zong in tangka kan hal bal lo, asinain CNO/CNDF min bunh in tangka an hal tiah mipi sin in kan theih tiah an langhter.

Falam peng chung kahdohnak, Uknak, fimcawnnak, ngandamnak le ngunkhuai laknak kong vialte cu CNO/CNDF nih a tawlrel dih caah atu bantuk in mipi sin in tangka halnak hna hi phunglut lo a si caah CNO/CNDF min a hrawktu hna nih nan inn ṭhan lai tiah a thanh.

CNO/CNDF nih Falam peng ramri chung le a cawlcanghnak lam pawl ah mipi sin in tangka halnak le laksawng pawl cohlannak tuah bak lo ding in nawl a chuah. Mipi nih dawtnak in an rak putmi laksawng pawl hmanh kha hruaitu sin thawngthanh hnu lawng ah ṭha tein nan cohlan lai tiah a thanh.

Cucaah lamcung ah hmunhman kan lak hnu thok in atutiang mipi sin in ngunkhuai le zeibantuk tangka hmanh kan hal hna lo tiah a thanh.

Na ruahning rak langhter ve.. (Leave a comment)

%d bloggers like this: