Latest Update: Lungkua Chung Ah Aa Taapmi Ngakchia An Zapite In An Chuahpi Dih Cang Hna

Thailand ngakchia tlaumi

City Hunter| 2018 July 10| July 10 zanlei suimilam 6:13 ah lungkua chung ah aa taapmi ngakchia an zapite in lungkua leng ah kan chuahpi khawh dih cang hna tiah Thai cozah nih facebook page ah phungningte (official) in an thanhchuah cang.

Thai cozah ngeihmi Thai Navy Seal facebook page nih, “July 10, suimilam 6:13pm ahkhan ngakchia 12 le an saya (coach) cu lungkua chung in kan chuahpi khawh dih cang hna” tiah an thanh.

July 8 ah ngakchia pali, July 9 ah ngakchia pali, July 10 ah an saya (coach) telh in ngakchia panga an chanhchuah hna.

“An zapite in Chiang Rai sii-inn ah chiah le zohkhenh an si. An ngandamnak kong ah thinphang ding a um lo. A rauh hlan ah ngakchia chungkhar hna he zong hmuhtonnak an ngei kho te ko lai” tiah July 10 zingka thawngfianternak ah ngandamnak minister nih a chim.

Thai Prime Minister nih, “ngakchia hna lungkua chung in an chuahpi lio hna ahhin mah hngalh lonak sii (meh-see) kan pek hna lo, lung daihnak sii tu kan pek hna” tiah ngakchia zapi an chuahpi dih cangka tlawmpal ah media sin ah a chim.

“Hi bantuk harnak an ton lio caan te ah kanmah lei nih hmurka in tha kan pekmi hna hi tlawmte tal daihnak le ralthatnak a pek hna lai timi kan i ruahchan. Zapi nih kan ruahchan hna bantuk in a rauh hlan ah hi ngakchia hna cu lungkua chung in leng ah an chuah khawh i chungkhar hna he an i ton khawh i an ngandamnak nih khualtlawng kho ding in an si cun World Cup final ah khual (guest) dirhmun in sawm khawh an si cun FIFA leikap in kan i lawm tuk ko lai” tiah Thailand ram pumpululh phu zik sin ah FIFA President Gianni Infantino nih kan hnu zarh in khan ca a kuat.

Cucaah, ngandamte in an um i leng chuah an sianh  hna a si ahcun Russia ram ah tuahmi World Cup final zoh ah ngakchia 12 le an coach (saya) pa cu an kalte lai tiah theih a si.

July 6 zingka ahkhan ngakchia pawl lungkua chung ah oxygen dur a pechaantu Thailand ti ralkap bawi hlun a simi tilio thiam pa Gunan cu lungkua chung ah a thi. Ngakchia pawl oxygen dur a pekchanh hna hnu a kir lei ah oxygen dur aa kenmi nih a dihtak ruang ah a thi tiah theih a si.

Hi ngakchia 13 cu June 23 ahkhan lungkua chung ah an luhnak in atu bantuk in an taapnak hi a si.

Ref: Thai Navy Seal, CNN,

Na ruahning rak langhter ve.. (Leave a comment)

%d bloggers like this: