Latt Khat Tlang Operation Ah SAC Lei A Thi Mi An Tam I Hriam Tampi An Lak Khawh
The Chinland Post | 2023 August 16 — Karen ram, Myawaddy peng, Latt Khat tlang ah kahdohnak a fak i SAC lei a thi mi an tam bantuk in hriam pawl zong an lak khawh tiah theih a si.
August 15 zinglei sml 4:30am hrawng ah KNLA le PDF phu pawl nih an rak lak mi Latt Khat tlang sakhaan cu SAC nih fak ngai in kahdohnak a tuah i hriamngan zong in a kah lengmang, Myanmar-Thai ramri, Mesauk tiang in puahkehnak thawng an theih tiah Khit Thit nih a langhter.
Myawaddy peng chung ah SAC ralkap caah a biapi mi Latt Khat tlang sakhaan cu dothlennak phu pawl nih July 21 ah an rak lak i cu ni thawk in August 13 tiang SAC nih Latt khat tlang sakhaan la kho ṭhan ding in thazang tampi in kahdohnak voi 10 leng a tuah cang i SAC lei 17 an thi chap, 34 an i hliam tiah Cobra Column nih a langhter.
