Launglon ah pyusawhtee chungtel 3 PDF nih an thah hna
The Chinland Post | 2022 October 5 – Tanintharyi ramṭhen, Dawei pengkomh, Launglon peng, Padale khua ah a ummi pyusawhtee chungtel 3 cu October 4 chun sml 1:00pm hrawng ah Nanhteikaung mission in an thah hna tiah theih a si.
Cu pyusawhtee 3 an thah hna lioah kaphnih karlak kahdohnak a chuak i an pathum ning tein an thih hnu ah anmah sin in hriam le adang dang thilri an lak khawh tiah theih a si.
Cu pyusawhtee 3 sin in kuan 3, kuttuah meithal 1, phone 2, cycle 1, pyusawhtee cazin cauk 1, mawṭaw maunghnak Licence, tangka 63,800ks le catlap cheukhat an lak khawh tiah theih a si.
About The Author
