Launglone (PDF) sakhaan luhhnawh a si i hriam le eidin sungh a si
The Chinland Post | 2022 June 4 – Dalan nih thawngpang pek ruangah sakhaan luhhnawh kan tong i hriam le eidin lakpiak kan si lengah hriamtlai 1 zong SAC ralkap nih an kan tlaihpiak tiah Launglone PDF nih June 4 ah a thanh.
June 30 ah Dalan nih thawng pek ruangah SAC ralkap nih thazang tampi in kahdohnak an tuah i thazang i ruan lo le hriam i ruan lo ruangah sakhaan cu kaltak a si tiah a langhter.
Cucaah kuttuah meithal, kuan, aa hlatmi kahnak, thilsernak seh pawl, drone pakhat, laptop pakhat, kuttuah bom telh in eidin pawl kan sungh dih lengah hriamtlai pakhat zong tlaih a tong tiah an ṭial.
Atu bantuk in Dalan pawl thiltuah cu mipi nih hmuh a si cang ko caah Launglon PDF nih Dalan pawl cu ṭha tein tawlrel an si cang lai tiah a thanh fawn.
About The Author
